'ഒരിക്കൽ ചൂട് വെള്ളത്തിൽ വീണ പൂച്ച പച്ചവെള്ളം കണ്ടാലും പേടിക്കും', പക്ഷെ ഈ വരികളുടെ കൂടെ എന്റേതായ കുറച്ചു വരികൾ കൂടെ എഴുതി ചേർക്കുകയാണ്. ഒരിക്കൽ ചൂട് വെള്ളത്തിൽ വീണ പൂച്ച പച്ചവെള്ളം കണ്ടാലും പേടിക്കും പക്ഷെ, ആ പൂച്ചക്ക് എന്നാണോ മനസിലാകുന്നത് തന്റെ മുന്നിൽ രണ്ടാമത് വന്നത് പച്ചവെള്ളം ആണെന്ന്, അന്നുമുതൽ ആ പൂച്ച ആ വെള്ളത്തിൽ നീന്തി കുളിക്കും.
സംഭവം ഇതാണ്, ഒരിക്കൽ ഒരു പൂച്ച നടന്ന് പോകുന്ന വഴിയിൽ കണ്ട വെള്ളത്തിൽ എടുത്ത് ചാടി പക്ഷെ പിന്നീടാണ് മനസിലായത് അത് ചൂട് വെള്ളം ആയിരുന്നു എന്ന്. അങ്ങനെ അതിൽ നിന്ന് കുറച്ചു പ്രയാസം നേരിട്ട് രക്ഷപെട്ടു, പിന്നെയും നടക്കുന്നതിനിടയിൽ വീണ്ടും വെള്ളം കണ്ടു എന്നാൽ അപ്പോഴേക്കും പൂച്ചയുടെ സ്വഭാവം മാറിയിരുന്നു. അതായത് ഒരിക്കൽ നീന്താൻ ഇറങ്ങിയത് ചൂട് വെള്ളം ആയതുകൊണ്ട് വീണ്ടും കണ്ടത് ചൂട് വെള്ളം ആണോ എന്നൊരു പേടി. അതുകൊണ്ട് തന്നെ അതിൽ ചാടിയില്ല, പകരം പയ്യെ പയ്യെ അത് പരിശോദിച്ചു നോക്കി, അങ്ങനെ അത് പൂർണമായും പച്ച വെള്ളമാണ് കുഴപ്പം ഇല്ല എന്നറിഞ്ഞിട്ടാണ് കുറച്ചു നന്നായിട്ട് ഇറങ്ങിയത്, എന്നാലും പൂർണമായും ഇറങ്ങാൻ പൂച്ച മടിച്ചു നിൽക്കുകയാണ്. കാരണം പുറമെ നിന്ന് നോക്കിയാൽ കാണുന്നത് പോലെ തന്നെ ആണോ ഉള്ളിൽ എന്ന് മനസിലാക്കാൻ പൂച്ചക്ക് പലരുടെയും സഹായം വേണം, എന്നാലേ പൂച്ച ആ വെള്ളത്തിൽ പൂർണമായും ഇറങ്ങി കുളിക്കുകയൊള്ളു.
NB: ജീവിതത്തിന്റെ നാളുകൾ കടന്ന് പോകുമ്പോൾ, അരാലൊക്കെയോ ചൊല്ലി തന്ന വാക്യങ്ങളുടെ അർത്ഥം തേടിയിറങ്ങി, അതിൽ നിന്നും പല ജീവനുകളുടെയും ജീവൻ പോലും വേർതിരിച്ചു അകറ്റിയ വാക്യങ്ങൾ, എഴുതിലൂടെയും, തെളിഞ്ഞ സത്യങ്ങളിലൂടെയും കിട്ടിയ ഉത്തരം.
