അപൂർവ വ്യക്തി

ചിലരുടെ സാന്നിധ്യം നമ്മളെ വല്ലാണ്ട് സ്വാധീനിക്കും. അങ്ങനെയുള്ളവരെ ഒരുപാട് വഴക്കിടും പക്ഷെ ഒരിക്കലും നമ്മളെ തനിച്ചാക്കില്ല. എത്രയൊക്കെ വഴക്കിട്ടാലും പിന്നെയും എല്ലാം മറന്ന് നമ്മുടെ സൗഹൃദം നിലനിർത്തും. ഒരിക്കൽ പോലും അതിനു ക്ഷയം ഉണ്ടാകാൻ അവർ സമ്മതിക്കില്ല.

ജീവിതത്തിൽ എനിക്ക് കിട്ടിയ ഏറ്റവും വലിയ സ്വത്താണ് അതുപോലെയുള്ള വ്യക്തി. തെറ്റ് കണ്ടാൽ പ്രതികരിക്കും, അത് തിരുത്തും പക്ഷെ ഒരിക്കലും അകൽച്ച കാണിച്ചു നിൽക്കില്ല. തെറ്റുകൾ കണ്ടാൽ ശിക്ഷിക്കുകയും, ജയങ്ങൾ കണ്ടാൽ കായിക്കോട്ടുകയും ചെയ്യും. അത്തരത്തിൽ പെട്ട വ്യക്തികൾ വളരെ അപൂർവം ആയിരിക്കും. നമ്മക് കണ്ടെത്താൻ അത്രയേറെ പ്രയാസം നിറഞ്ഞതാകും. എന്നാൽ ഒരിക്കൽ കണ്ടെത്തിയ പിന്നീട് നമ്മുടെ ജീവിതാവസാനം വരെ കൂടെ ഉണ്ടാകും.

ഒരുപാട് സംരക്ഷണം നൽകി നമ്മളെ പല തെറ്റുകൾ ചെയ്യുന്നതിൽ നിന്നും അവർ പിന്തിരിപ്പിക്കും. എന്തും ഏത് സമയത്തും നമുക്ക് തുറന്ന് സംസാരിക്കാം. ഒരിക്കലും നമ്മളെ കളിയാക്കി കായികൊട്ടി ചിരിക്കില്ല.

ഒരുപാട് തമാശകൾ നിറച്ച, ദുഃഖത്തിലും സന്തോഷത്തിലും ഒരുപോലെ നമ്മളോടൊപ്പം നിൽക്കുന്ന അത്തരമാ വ്യക്തികൾക്ക് ചെറിയ ഒരു കാര്യം ഉണ്ടായാൽ പോലും പെട്ടെന്ന് വേദന ഉണ്ടാകും അതെ പോലെ തന്നെ സന്തോഷവും ഉണ്ടാകും.

നൂറു പേരെടുത്താൽ അതിൽ ഒന്നേ കാണു ഇത്രയേറെ സ്‌നേഹം ഉള്ള വ്യക്തികൾ. അത്രയും പ്രയാസമേറിയ കാര്യമാണ് ഇങ്ങനെ ഉള്ള ഒരാളെ കണ്ടെത്താൻ. സ്വന്തം രക്തബന്ധം പോലെ നമ്മോടൊപ്പം എല്ലാ കാര്യത്തിലും കൂടെ നിൽക്കും ഒരു പ്രശ്നം വന്നാൽ എങ്ങനെ അതിനെ പരിഹരിക്കാം എന്ന് പറഞ്ഞു തരും.

പക്ഷെ സ്വന്തമായി ഒരു ഒരുപ്രശ്നം ഉണ്ടായാൽ ഒരുപാട് കഴിഞ്ഞു മാത്രം ആകും മറ്റുള്ളോരോട് പറയുന്നത്. എല്ലാം ഉള്ളിൽ ഒതുക്കി കൊണ്ട് നടക്കും. ഇങ്ങനെയുള്ളവർക്ക് രഹസ്യ സൂക്ഷിപ്പിനുള്ള കഴിവ് വളരെ കൂടുതൽ ആണ്. അതേപോലെ സ്വന്തം കാര്യം മറ്റുള്ളരിൽ നിന്ന് മറക്കാനും പറ്റും. എത്ര ചോദിച്ചാലും അതിൽനിന്നൊക്കെ വഴിതിരിച്ചു വിടാൻ വളരെ കഴിവുള്ള വ്യക്തികൾ ആയിരിക്കും അവർ.

സുന്ദര നിമിഷങ്ങൾ

 കളഞ്ഞുകിട്ടിയെ ചില നിമിഷങ്ങളോടൊപ്പം നമ്മുടെ കുറച്ചു നിമിഷങ്ങൾ കൂടെ ചേർത്താൽ കിട്ടുന്ന സന്തോഷത്തേക്കാൾ വലുതായിട്ട് ഈ ഭൂമിയിൽ മറ്റൊന്നും തന്നെ ഇല്ല. അങ്ങനെ ചില നിമിഷങ്ങൾ ആണ് ജീവിതത്തിൽ കുറച്ചു ദിവസങ്ങൾ ആയിട്ട് അനുഭവിക്കുന്നത്.

അണിഞ്ഞൊരുങ്ങി ആരു കണ്ടാലും ഒരു നിമിഷമെങ്കിലും ഒന്ന്‌ കണ്ണ് വച്ച് പോകുന്ന ചിലരുടെ സൗന്ദര്യം, മറ്റുള്ളോർക് പ്രണയം എന്ന് തോന്നുന്ന സൗഹൃദം, എന്നും കൂടെയുണ്ടേൽ സന്തോഷം നൽകാൻ സാധിക്കുന്ന ചില വ്യക്തികൾ, എല്ലാം ഇന്ന് എന്റെ ജീവിതത്തിൽ ഉണ്ട്. കളി-ചിരിയുടെയും, അടി-പിടിയുടെയും, എല്ലാത്തിന്റെയും ഒരു ഒത്തൊരുമ.

അണിഞ്ഞൊരുങ്ങി നടക്കാൻ കിട്ടുന്ന ചില നിമിഷത്തിൽ പരമാവധി കഴിവ് തെളിയിക്കുന്ന വ്യക്തികൾ. ആരു കണ്ടാലും ഒന്ന് നോക്കി പോകുന്ന സൗന്ദര്യം തുളുമ്പുന്ന  ഛായം പൂശാത്ത മുഖങ്ങളുടെയും, മലയാളി തനിമ ഒന്നുകൂടി എടുത്തു കാട്ടുന്ന വർണ്ണസഭലമായ വസ്ത്രങ്ങൾ അണിഞ്ഞു നിൽക്കുന്നവരുടെയും, ഓണഘോഷം അങ്ങനെ കടന്ന് പോകുന്നു.

നീയില്ലെങ്കിൽ ഞാനുമില്ല എന്ന പദം മാറ്റി മലയാളി ഇല്ലെങ്കിൽ ഓണമില്ല എന്നുള്ള വാക്കുകൾ കുറച്ചുകൂടി ഉച്ചത്തിൽ വിളിച്ചു പറയാവുന്ന ഒരു ഓണാഘോഷം.

വിവാഹം

വിവാഹം എന്നാൽ രണ്ട് പേരുടെ ജീവിതത്തിലെ ഏറ്റവും മഹത്തായ ഒരു കാര്യമാണ്. പ്രണയ വിവാഹം ആയാലും നിശ്ചയിച്ച വിവാഹം ആയാലും ജീവിക്കേണ്ടത് കല്യാണം കഴിച്ചവർ ആണ്. പിന്നെ എന്ത് പ്രശ്നം ഉണ്ടെങ്കിലും ഒത്തൊരുമ ഇല്ലെങ്കിൽ ജീവിതം മുന്നോട്ട് കൊണ്ട് പോകാൻ ഒട്ടും സാധിക്കില്ല. എല്ലാം സഹിച്ചു ജീവിക്കുന്നവരുടെ കാലമൊക്കെ കഴിഞ്ഞ്, ഇപ്പോഴുള്ളത് അങ്ങനയല്ല. എന്ത് ഉണ്ടെങ്കിലും ഉടനെ തന്നെ എതിർത്തു ജീവിക്കുന്നവർ ആണ് കൂടുതലും.

സ്വന്തം വീട്ടുകാരെ വെറുപ്പിച്ചിട്ട് ഒരു കുടുംബ ജീവിതം നിങ്ങൾ സ്വപ്നം കണ്ടിട്ടുണ്ടെകിൽ അത് വെറുമൊരു എടുത്ത് ചാട്ടം മാത്രം ആണ്. കാരണം നിങ്ങൾക് പിന്നീട് എന്തെങ്കിലും ഒരു പ്രശ്നം ഉണ്ടായാൽ അത്രേം നാൾ കൂടെ ഉണ്ടായിരുന്നവർ നമ്മൾ വിട്ടു പോകാൻ സാധ്യത കൂടുതൽ ആണ്. അതുകൊണ്ട് ആരെയാണോ കല്യാണം കഴിക്കേണ്ടത് അവരുടെ രണ്ട് പേരുടെയും വീട്ടിൽ പൂർണ സമ്മദത്തോടെ മാത്രമേ വിവാഹം കഴിക്കാൻ പാടൊള്ളൂ.

സൗഹൃദം എന്നതിനേക്കാൾ പ്രാധാന്യം ഉണ്ട് ഒരു ദാമ്പത്യ ജീവിതം തുടങ്ങുമ്പോൾ. സൗഹൃദം നമ്മക് ഒന്ന് പോയാൽ മറ്റൊന്ന് എന്നൊക്കെ പറഞ്ഞു കൊണ്ട് പോകാം പക്ഷെ ദാമ്പത്യ ജീവിതം ഒരിക്കലും ഒരു വസ്ത്രം മാറ്റുന്ന പോലെ മാറാൻ ഉള്ളതല്ല. ജീവിത കാലം മുഴുവനും കൂടെ കൊണ്ട് നടക്കാൻ ഉള്ളതാണ്. അതുകൊണ്ട് പ്രണയിച്ചു വിവഹം കഴിക്കുന്നവർ അവരുടെ വീട്ടുകാരെ കൂടെ ഓർത്തു പ്രണയിക്കുക.

ഇത്രേം കാലം നിങ്ങൾക് വേണ്ടി ജീവിച്ച അവരെ അവഗണിച്ചു ഇന്നലെ കണ്ട വ്യക്തിയുടെ പിന്നാലെ പോകാതിരിക്കുക.

                                                                      ~AG~

സ്നേഹത്തിന്റെ വില

 ചില വേദനകൾ ആരോടും പറയരുത് കാരണം കേൾക്കാൻ ഒരുപാട് പേരുണ്ടെന്ന് കരുതി പറയുമ്പോൾ ആയിരിക്കും അറിയുന്നത് അതൊക്കെ നമ്മടെ വെറും തോന്നൽ ആണെന്ന്. ആരെയും അധികം സ്നേഹിക്കരുത്, അളവില്ലാത്ത സ്നേഹം ആർക്കും കൊടുക്കരുത്. പിന്നീട് അതോർത്തു നമ്മൾ തന്നെ ദുഃഖിക്കും.

നമ്മളോട് മിണ്ടാനോ സംസാരിക്കാനോ ആരുമില്ല എന്ന് കരുതി ജീവിച്ചാൽ പിന്നെ നമ്മളെ തോൽപ്പിക്കാൻ ആർക്കും കഴിയില്ല.

സ്നേഹബന്ധത്തിന് അത്രയും വില കല്പിച്ചിട്ടും എല്ലാരും അവഗണിക്കുവാണല്ലോ എന്നോർക്കുബോഴാണ് എന്തിനാ ജീവിക്കുന്നത് എന്ന് തോന്നുന്നത്.

എത്രയൊക്കെ സങ്കടം ഉള്ളിൽ ഉണ്ടെങ്കിലും പുറമെ മറ്റുള്ളോരെ കാണിക്കാൻ എങ്കിലും ചിരിച്ചു നിന്നിട്ടും ആരെയും അവഗണിക്കാതെ ചേർത്ത് പിടിച്ചിട്ടും ഒടുവിൽ തിരിച്ചു കിട്ടുന്നത് അവഗണന മാത്രം ആണെന്ന് ഓർക്കുമ്പോൾ ഉള്ളിൽ വല്ലാത്തൊരു അവസ്ഥ ഉണ്ടാകുന്നു.

വേർപാട്

ഒറ്റപ്പെടൽ ആണ് ഏറ്റവും വലിയ വേദന കാരണം ഒറ്റപ്പെട്ട അവസ്ഥാ നേരിടുമ്പോൾ നമ്മക് എന്തോ ചെയ്യണം എന്നൊന്നും അറിയില്ല. അത്രേം നാൾ കൂടെ നടന്നവർ തനിച്ചാക്കി നിൽക്കുമ്പോൾ ഉണ്ടാകുന്ന ഒരുതരം വേദന സഹിക്കാൻ പറ്റില്ല. ചിലപ്പോൾ പിണങ്ങി ആകില്ല പോകുന്നത് എങ്കിൽ കൂടെ നമ്മൾ ഒറ്റപെടുകയാണ് ചെയുന്നത്.

പലർക്കും ഒരുപാട് കാര്യങ്ങൾ ജീവിതത്തിൽ ചെയ്ത് തീർക്കാൻ ഉണ്ട് എന്നാൽ പലതും നമ്മളെ ആകർഷിക്കുന്നതും അതെ പോലെ തന്നെ വളരെ വേദന നൽകുന്നതും ആകും.

സ്വന്തം മക്കളെ വളർത്താൻ വേണ്ടി അന്യ നാട്ടിൽ പോയി കഷ്ടപ്പെടുന്ന ഒരുപാട് മാതാ- പിതാക്കൾ നമ്മക്കിടയിൽ ഉണ്ട് അവരുടെ മക്കൾക്ക് ജീവിക്കാൻ പണം ഉണ്ടാക്കുന്നതിനിടക്ക് ഒരു കാര്യം മറക്കുന്നു സ്വന്തം മക്കളെ നെഞ്ചോടു ചേർത്ത് വച്ചു അളവില്ലാത്ത സ്നേഹം നൽകാൻ. അവർ അത് നിങ്ങളിൽ നിന്ന് ഒരുപാട് ആഗ്രഹിക്കുന്നുണ്ട്.

അളവില്ലാത്ത സ്നേഹവും കരുതലും എല്ലാം ഒരുപാട് മക്കൾ ആഗ്രഹിക്കുന്നുണ്ട്. ഈ വന്ന കാലത്തെ വളർച്ച കൊണ്ട് കണ്ട് സംസാരിക്കാം എന്നല്ലാതെ നെഞ്ചോടു ചേർത്ത് പിടിക്കുന്ന ഒരു സ്നേഹവും കരുതലും നൽകാൻ സാധിക്കില്ല. എത്രയൊക്കെ കണ്ടുപിടുത്തം വന്നാലും നേരിട്ടുള്ള സ്നേഹത്തോളം ഒരിക്കലും അത് മാറില്ല.

സ്നേഹിക്കണം, അളവില്ലാതെ നെഞ്ചോടു ചേർത്ത് വച്ചു. കരുതലും നൽകി. സമ്പാദിക്കുന്നതിനിടക്ക് കുറച്ചെങ്കിലും സ്നേഹവും കരുതലും നൽകണം സ്വന്തം മക്കളോട്. നെഞ്ചോട് ചേർത്ത് പിടിച്ചു അവർക്ക് തുണയേകണം എന്നെന്നും.

                                                            ~AG~

കയിവിട്ട ജീവിതം

പ്രേമത്തിന് കണ്ണില്ല മൂക്കില്ല വായില്ല എന്നത് എത്രയോ ശരിയാണ്. കാരണം പ്രേമിക്കുമ്പോൾ നമ്മൾക്കു കൊടുക്കാൻ സാധിക്കുന്ന ഉറപ്പാണ് എന്നും കൂടെ കാണുമെന്നത് എന്നാൽ പെട്ടെന്ന് ഒരിക്കൽ അതെല്ലാം മാറി മറയുമ്പോൾ ഉണ്ടാകുന്ന ആ ഒരു വേദന ഉണ്ടല്ലോ അത് പറഞ്ഞു അറിയിക്കാൻ സാധിക്കില്ല. പിന്നെ ഒരു ജീവിതം അല്ലെ ആഗ്രഹങ്ങൾ എല്ലാം വഴി മാറി പോകുന്ന ഒരൊറ്റ ജീവിതം, അവയെ തേടുക എന്നല്ലാതെ സ്വന്തമാക്കുക എത്രയോ കടുത്ത പ്രയോഗങ്ങൾ മാത്രം ആണ്.

അകൽച്ച

 നമ്മൾ ഒരുപാട് സ്നേഹിച്ചിട്ട് ഒടുവിൽ നമ്മളെ വിട്ട് അകന്ന് പോകുമ്പോൾ വരുന്ന ഒരുതരം മാനസിക തകർച്ച ഒരിക്കലും ആരെയും പറഞ്ഞു അറിയിക്കാൻ സാധിക്കില്ല, അത്രത്തോളം വേദന ഉള്ളിൽ ഒതുക്കി ജീവിക്കേണ്ടി വരുന്ന അവസ്ഥ എത്രയേറെ സങ്കടം തരും.

അളവില്ലാത്ത സ്നേഹം കൊടുത്ത് നമ്മൾ അവരിൽ നിന്ന് അവസാനം തിരിച്ചു വരുന്നത് ഒരുപക്ഷെ നമ്മളെ തകർത്തകളയും. പലപ്പോഴും അങ്ങനെയാണ്.

ഒരാളോട് നമ്മൾ കൊടുക്കുന്ന സ്നേഹം അതെ അളവിൽ ഒന്നും ആകില്ല നമ്മക് കിട്ടുന്നത്, അതിലും വളരെയധികം കുറഞ്ഞാകും. പുറമെ ചിരിച് കൊണ്ട് ഉള്ളിൽ വിങ്ങുന്ന ഒരുപാട് പേരുണ്ട്. അവരുടെ എല്ലാ സങ്കടവും തീർക്കാൻ സാധിച്ചില്ലെങ്കിലും പറഞ്ഞു സമാധാനിപ്പിക്കാൻ ചിലപ്പോൾ നമ്മളെ കൊണ്ട് സാധിക്കും.

എത്രയൊക്കെ ആണേലും, ഇനി അവർ എത്ര വെറുത്താലും ഒരിക്കലും ആരെയും നമ്മക് വെറുക്കാൻ സാധിക്കില്ല കാരണം ഓരോരുത്തരും ജീവിതത്തിൽ അത്രയേറെ സ്ഥാനം ഉണ്ടാക്കിയിട്ടുണ്ട്.

അവഗണന

 ചില വേദനകൾ മറക്കാൻ വേണ്ടി നമ്മൾ പല കാര്യങ്ങളും ചെയ്യാറുണ്ട് എന്നാൽ ചിലത് ഒരിക്കലും മായുകയില്ല. ഒരിക്കൽ നമ്മൾ തിരഞ്ഞെടുക്കുന്ന ഓരോ വഴികളും പിന്നീട് സങ്കടം നൽകിയേക്കാം പക്ഷെ എല്ലാ വേദനകളും സങ്കടങ്ങളുമൊക്കെ സഹിച്ചു മുന്നോട്ട് കുതിച്ചാൽ അത്രയും സന്തോഷം കിട്ടും.

നമ്മൾ ഒരുപാട് ആഗ്രഹിക്കുമ്പോൾ അതിൽ പലതും നമ്മക് കിട്ടുന്നത് വെറും ചെറുതാകും പക്ഷെ ഒരിക്കലും അതിനെ കുറ്റപ്പെടുത്തി കിട്ടിയത് കളയാതെ ജീവിക്കുക.

ഒരിക്കൽ നമ്മളെ വിട്ടു പോയവരുടെ പിന്നാലെ പോകാതെ എന്നും കൂടെ ഉണ്ടാകുന്ന ഒരാളുടെ ഒപ്പം നടക്കുക. നമ്മൾ ഒരുപാട്ന ഇഷ്ടപെടുന്ന ഒരാൾ നമ്മളെ അവഗണിക്കുന്ന ഓരോ നിമിഷവും നമ്മൾ അനുഭവിക്കുന്ന ഒരു വേദന ആരോടും പറഞ്ഞു  അറിയിക്കാൻ പറ്റില്ല.

എത്രയൊക്കെ തിരക്കാണെങ്കിലും ഒരു നിമിഷം പോലും നമ്മക് വേണ്ടി സമയം കണ്ട് പിടിക്കാൻ ഇല്ലാത്ത അവരോട് എന്തിനാ പിന്നെയും അങ്ങോട്ട് വെറുതെ ഒരു ശല്യമായി പോകുന്നെ?

ഒരുപാട് തിരക്കിലും അവർക്ക് വേണ്ടി നമ്മൾ മാറ്റി വയ്ക്കുന്ന ഒരു നിമിഷം ചിലപ്പോ അവർക്ക് വെറും പുച്ഛമാകും പക്ഷെ ആ ഒരു നിമിഷം കൊണ്ട് നമ്മൾക്കു അവരോട് സംസാരിക്കുമ്പോൾ നമ്മക് കിട്ടുന്ന ഒരു സന്തോഷം ഒരിക്കലും മറ്റൊന്നിനും നൽകാൻ സാധിക്കില്ല.