ചോദ്യചിഹ്നം

ഒരു ദിവസം ഒരു കുട്ടിക്ക് തന്റെ ജീവിതത്തിൽ തന്നെ കുറച്ചു കുഴഞ്ഞു മറിയുന്ന ഒരു ചോദ്യം ചോദിച്ചു. ഒരുപാട് ആലോചിച്ചു ആ കുട്ടി അതിനു ഉത്തരം നൽകി. അങ്ങനെ അത് ശെരി ഉത്തരം ആണെന്ന് കരുതി കുറെ നാൾ നടന്നു എന്നാൽ ഒരുദിവസം മനസിലായി താൻ കൊടുത്ത ഉത്തരം തെറ്റി പോയെന്ന്. ഒരു ചോദ്യത്തിന് ഉത്തരം തെറ്റിയാൽ എന്ത് എന്നാകും നിങ്ങൾ ആലോചിക്കുന്നേ, എന്നാൽ ഈ ചോദ്യത്തിനും ഉത്തരത്തിനും ഒരു പ്രത്യേകത ഉണ്ട്. അതായത് ചോദ്യം ചോദിക്കുന്ന ആളുടെ ഇഷ്ടമാണ് എങ്ങനെ ചോദിക്കണം എന്ന്, അത് ചിലപ്പോൾ നേരെ ചോദിക്കാം അല്ലെങ്കിൽ കുറച്ചു വളഞ്ഞ വഴിയിലൂടെയും ചോദിക്കാം. അത് ചോദിക്കുന്ന ആളുടെ ഇഷ്ടംപോലെ ആകും. പിന്നീട് അങ്ങോട്ട് ആ രീതിയിലുള്ള ചോദ്യങ്ങൾ കിട്ടുമ്പോഴൊക്കെ ആ കുട്ടി ഒന്ന് പേടിച്ചു, കാരണം ആദ്യം തനിക്ക് ഉത്തരം തെറ്റിയല്ലോ അത് കൊണ്ട് പിന്നീടും അതെ പോലെ ആകുമോ എന്നുള്ള ഒരു സംശയം.എന്നാൽ എന്നോർക്കണം ഈ ചോദ്യത്തിന് ഉത്തരം കൊടുക്കുമ്പോൾ അത് ആ കുട്ടിയുടെ ജീവിതത്തെ ബാധിക്കും. അതാണ് ആ കുട്ടി ഉത്തരം കൊടുക്കാൻ മടിക്കുന്നത്.

കാലങ്ങൾ കടന്ന് പോയി ആ കുട്ടിയോട് വേറെ ഒരാൾ ചോദ്യം ചോദിച്ചു പക്ഷെ അത് കുറച്ചു വളഞ്ഞ വഴി ആണ്. എന്നാലും കുട്ടിക്ക് അത് മനസിലായി. എന്നാൽ അപ്പോഴൊക്കെ പഴയ ഉത്തരം തെറ്റിയതിന്റെ സങ്കടത്തിൽ ഇപ്പോഴത്തെ ചോദ്യത്തിന് ഉത്തരം നൽകിയില്ല. ഉത്തരം പറയണം എന്നുണ്ട് എന്നാൽ തെറ്റി കഴിഞ്ഞാൽ വീണ്ടും പഴയ അവസ്ഥ ആകുമല്ലോ എന്നോർത്തു മിണ്ടിയില്ല.

ഈ ചോദ്യം ചോദിക്കുന്ന ആൾക്കും ഉത്തരം കൊടുക്കുന്ന കുട്ടിക്കും പരസപരം പരിചയം ഉണ്ടാകാം അല്ലെങ്കിൽ ഉണ്ടാകാതിരിക്കാം, അതെ പോലെ ഈ ചോദ്യം എല്ലാരോടും ചോദിക്കത്തുമില്ല, സാദാരണ പരീക്ഷകൾക്ക് നമ്മൾ അപേക്ഷിച്ചാൽ നമ്മക് എഴുതാം എന്നാൽ ഇതിനു അപേക്ഷ ഇല്ല ആർക്കണോ ചോദിക്കേണ്ടത് അവർ തന്നെ തനിക് ഉത്തരം നൽകേണ്ട ആളെ തിരഞ്ഞെടുക്കും. അതാണ് ഇതിന്റെ മറ്റൊരു പ്രേത്യേകത. ഈ ചോദ്യം ഏത് തരത്തിൽ ചോദിച്ചാലും കുട്ടിക്ക് പലപ്പോഴും ഉത്തരം കുഴഞ്ഞു പോകും. എന്നാൽ ഓരോ തവണ കുഴഞ്ഞിട്ട് ഉത്തരം ഉത്തരം കൊടുക്കുമ്പോഴും കുട്ടിക്ക് മനസിലാകുന്നില്ല ഏതാണ് ശെരി ഉത്തരം എന്നുള്ളത്, അങ്ങനെ പലപ്പോഴും ഉത്തരം തെറ്റിച്ചു കൊടുക്കും.

ഓരോ തവണ ഉത്തരം കൊടുത്തതിനു ശേഷവും കുട്ടിയുടെ മനസിൽ തോന്നും വേറെ ഉത്തരം കൊടുത്ത മതി ആയിരുന്നെന്ന്. എന്നാൽ കൊടുത്തുപോയില്ലേ അതുകൊണ്ട് പിന്നെ മാറ്റാനും പോകില്ല.

NB: ഒരാളോട് ഒരു ചോദ്യം ചോദിക്കുമ്പോൾ ഏത് രീതിയിൽ ചോദിക്കുന്നു എന്നല്ല അത് എത്രത്തോളം മനസിലാക്കി എണ്ണത്തിലാണ് കാര്യം. അതുകൊണ്ട് ആരൊക്കെ ആരോടൊക്കെ ചോദിച്ചാലും മനസിലാകുന്ന തരത്തിൽ ചോദ്യങ്ങൾ ചോദിക്കുക.

നഷ്ടം

 ഒരുപാട് സംസാരിച്ച് കൂടെ നിന്നവർ, പുതിയ ഒരാളെ കിട്ടി കഴിയുമ്പോൾ മുൻപ് ഉണ്ടായിരുന്ന ആളുകളോട് അകലാൻ തുടങ്ങും, എത്രയൊക്കെ ശ്രമിച്ചാലും അത് മാറ്റാൻ സാധിക്കില്ല. ജീവിതം അങ്ങനെ ആണ്. പിന്നെ ഒന്നും മനസിലാകാതെ നിന്ന് മുന്നോട്ട് പോയാൽ നമ്മളെ അവർക്ക് ഒരു കാര്യവും അല്ലാണ്ട് ആകും. മുൻപൊക്കെ നമ്മളോട് മിണ്ടാനും നമ്മളെ വിളിക്കാനും നമ്മളോട് സംഭാഷണം നടത്താനും ഒരുപാട് സമയം ഉണ്ടായിരുന്നെങ്കിൽ ഇന്ന് അവർക്ക് പുതിയ ആളുകളോട് ആകും ഒരുപാട് സമയം കാണുക. മുൻപ് എല്ലാത്തിനും കൂടെ നിന്നവരെ ഇന്ന് എല്ലാത്തിൽ നിന്നും അകറ്റുകയാണ്. പുതിയ മുഖങ്ങൾ വരുമ്പോൾ പഴയ മുഖങ്ങളെ മറക്കാതിരിക്കുക. കാരണം ഒരു കാലം അവർ ആയിരുന്നു നിങ്ങൾക് എല്ലാം.

Spy world

 ചിലത് നമ്മളായിട്ട് മറ്റുള്ളോരെ അറിയിക്കുന്നതിനു മുൻപ് അവര് തന്നെ കണ്ട് പിടിച്ചു നമ്മളോട് ചോദിക്കുമ്പോൾ, പലപ്പോഴും നമുക്ക് ഉത്തരം കിട്ടാതെ വരും. എന്നാൽ വിട്ടു കൊടുക്കാൻ ഉള്ള മനസ് ഇല്ലാതെടുത്തോളം കാലം നമ്മൾ ആ ചോദ്യത്തെ കുറെ കൂടെ രസകരമാക്കി തീർക്കും. എന്നാൽ അതെ കാര്യം നമ്മൾ തന്നെ തുറന്ന് പറയാൻ ഉള്ളതാണ് എന്നുണ്ടെങ്കിൽ എന്നെങ്കിലും പറയുക തന്നെ വേണ്ടേ. എന്നാൽ ആ സമയത്ത് അവരുടെ മറുപടി നമ്മളെ  വേദനിപ്പിച്ചാൽ അത് നമുക്ക് താങ്ങാൻ സാധിക്കില്ല പിന്നീട് എന്താണ് കാണിക്കുന്നതെന്ന് പറയാൻ സാധിക്കില്ല.നമ്മൾ ഒരാളോട് ഒരു ചോദ്യം ചോദിച്ചു കഴിഞ്ഞാൽ അതിനു എന്തായാലും ഒരു ഉത്തരം നൽകണം, എന്നാൽ ചില ചോദ്യങ്ങൾക്കുള്ളത് പെട്ടെന്ന് തരാൻ സാധിക്കില്ല. അങ്ങനെയുള്ള ചോദ്യങ്ങളുടെ ഉത്തരം നമ്മൾ പ്രതീക്ഷിക്കുന്നതാണെങ്കിൽ അതിന് മുന്നിട്ട് ഇറങ്ങി നടത്തേണ്ടവരോട് പറയണ്ടേ. എന്നാൽ ഇതൊന്നും അല്ലാതെ ചോദ്യം ചോദിച്ചു ഉത്തരത്തിനായിട്ട് കാതോർത്തിരിക്കുമ്പോൾ തന്നെ മുന്നിട്ട് നിന്ന് നടത്തേണ്ടവർ ഈ കാര്യം മറ്റുള്ളോർ വഴി അറിഞ്ഞു കഴിഞ്ഞാൽ എന്താകും പ്രതികരണം.