ഒരു നിമിഷം അവളുമായി വാലവഴിച്ചപ്പോൾ സത്യത്തിൽ എനിക്ക് ഒരുപാട് സന്തോഷം തോന്നി. അവളുടെ കൂടെ ഓരോന്ന് ചെയ്യുമ്പോഴും എല്ലാം ഉള്ളിൽ ഞാൻ അറിയാതെ തന്നെ സ്നേഹം കൂടുകയായിരുന്നു. ഒപ്പം നടക്കുമ്പോഴും ഒപ്പം യാത്ര ചെയ്യുമ്പോഴുമൊക്കെ മനസ്സിൽ ഉണ്ടാകുന്ന ഒരു പ്രത്യേക തരം അനുഭവം അത് ഒരിക്കലും ആരെയും പറഞ്ഞു അറിയിക്കാൻ സാധിക്കില്ല. കാരണം അത്രക്ക് വലുതാണ് അത്. അവളുടെ കൂടെ നിന്ന് ഒരു നല്ല ഫോട്ടോ എടുക്കാൻ ഒരുപാട് കൊതിച്ചു പക്ഷെ എന്റെ മനസിന്റെ ആഴം ഒരിക്കലും ഒരു ആധുനിക കാലത്തിലേക്ക് സഞ്ചരിക്കാൻ താത്പര്യം ഇല്ല. എനിക്ക് ഇഷ്ടം പ്രാചീന കാലം തന്നെ ആണ്. പലപ്പോഴും ആഗ്രഹിച്ചിട്ടുണ്ട് ഒന്ന് കെട്ടിപ്പിച്ചു ഒരു മുത്തം നൽകാൻ പക്ഷെ എത്രയൊക്കെ ആണേലും അതിൽ പലതും ഉള്ളിൽ ഒതുക്കികൊണ്ട് ഇന്നും മുന്നോട്ട് സഞ്ചരിക്കുകയാണ്. അവളോടൊപ്പം ഒരു ചെറിയ യാത്ര ചെയുമ്പോൾ തന്നെ മനസിന് സന്തോഷം ആകും.
എന്തുകൊണ്ടാണ് എനിക്ക് അവളെ ഇത്രയും ഇഷ്ടം എന്നറിയില്ല, എന്തിനാണെന്ന് അറിയില്ല പക്ഷെ ഒന്ന് മാത്രം അറിയാം, എത്രയൊക്കെ വഴക്കിട്ടാലും ഒരിക്കലും പിരിഞ്ഞു നിൽക്കാൻ സാധിക്കില്ല.ഒരു നിമിഷം അവളുമായി പിരിഞ്ഞാൽ എനിക്ക് നിയന്ത്രണം വിട്ടു പോകും.
അവൾ എനിക്ക് ആരാ? എന്നാ ചോദ്യം ചോദിച്ചാൽ പലരും പല ഉത്തരം ആണ് നൽകുന്നത് എന്നാൽ എന്നോട് തന്നെ ചോദിച്ചാൽ മറുപടി ഇല്ലാത്ത ഏറ്റവും കുഴപ്പിക്കുന്ന തരത്തിലുള്ള ഒരു ചോദ്യം ആകും അത്.
അവൾ എന്റെ കൂട്ടുകാരി ആണോ? പെങ്ങൾ ആണോ? കാമുകി ആണോ? എന്നിങ്ങനെ ഒരുപാട് ചോദ്യങ്ങൾ എന്നോട് തന്നെ പലതവണ ചോദിച്ചു നോക്കിയിട്ടുണ്ട് എന്നാലൊന്നും അതിനു ഒരു മറുപടിയും കിട്ടിയിട്ടില്ല. കണ്ടില്ലെങ്കിൽ പോലും ഒരുപാട് വിഷമം ഉണ്ടാകും എന്നുകരുതി ഒരിക്കലും അവളുടെ അവളുടെ ആഗ്രഹങ്ങൾക്ക് എതിര് നിൽക്കില്ല. ലോകത്തിന്റെ ഏത് കോണിൽ ആണേലും സന്തോഷമായിട്ട് ജീവിക്കണം എന്ന് മാത്രമേ എനിക്ക് ഒള്ളു. ജീവിതം അവൾ ആണ് തിരഞ്ഞെടുക്കേണ്ടത് യാതൊരു മടിയും കൂടാതെ എന്തിനും കൂടെ തന്നെ കാണും...
നിനക്ക് നല്ലൊരു ഭാവി ഉണ്ടാകണം എന്നതാണ് എന്റെ പ്രാർത്ഥന. പലരുടേം മുന്നിൽ പല വേഷം ആണേലും ഏതാ ശെരിയായ വേഷം എന്ന് എനിക്ക് അറിയില്ല. ആരൊക്കെ എങ്ങയൊക്കെ പറഞ്ഞാലും കുഴപ്പം ഇല്ല കാരണം എന്ത് തന്നെ ആണേലും ജീവിതം ഒന്നല്ലേ ഒള്ളു.
ചില നിമിഷം പലതും ഓർത്തു ദുഖിക്കും. ഉള്ളിൽ ഒരുപാട് ഭാരം ചുമക്കുന്ന ഒരാൾക്കു പുറമെ അധികം കളിച് ചിരിക്കാൻ സാധിക്കില്ല.
