ജീവിതം മനുഷ്യന് കൊടുത്തിട്ടുള്ള കുറെ നല്ല കാര്യങ്ങൾക്കു പുറമെ കുറെ ചീത്ത കാര്യങ്ങൾ കൂടെ കൊടുത്തിട്ടുണ്ട് എന്നാൽ പലരും ചീത്ത മാത്രം പുറമേ കാട്ടി നല്ലത് ഉള്ളിൽ ഒതുക്കും.
കുറെ നല്ല കൂട്ടുകേട്തിനിടയിൽ കാണും അവരെ തമ്മിൽ തെറ്റിക്കാൻ വേണ്ടി മാത്രം ഒരാൾ. നമ്മൾ പലപ്പോഴും അങ്ങനെ ഒരു വ്യക്തിയെ തിരിച്ചറിയാതെ പോകുന്നു, അത് മൂലം നമ്മളിൽ ഒരുപാട് പ്രശ്നങ്ങൾ ഉണ്ടാകും.
ഒരേ സ്കൂളിൽ പഠിക്കുന്ന ബാല്യകാലം മുതലേ ഉള്ള കൂട്ടുകെട്ട്, എന്തും പരസ്പരം തുറന്ന് പറയാൻ ഉള്ളത്ര ബന്ധം ഒരുന്നാൾ പെട്ടെന്നു പ്രണയം ആയി മാറുമ്പോൾ തികച്ചും സ്വാഭാവികം ആയിട്ട് പലർക്കും തോന്നാം 'അവർ തമ്മിൽ പണ്ടേ പ്രണയിക്കുക അല്ലയോ എന്ന് '. കാരണം അത്രക്കൊരു കൂട്ടുകെട്ട് ആണ് അവർ തമ്മിൽ ഉള്ളത്. എന്നാൽ ഇരുവരും പ്രണയത്തിൽ ആകുമ്പോൾ ഇരുവർക്കും പരസ്പരം അറിയാവുന്നത് കൊണ്ടും പെട്ടെന്ന് അവരുടെ മനസ് വായിക്കാൻ സാധിക്കും.
എന്തൊക്കെ ആണേലും ഒരാൾ അവരെ തമ്മിൽ തെറ്റിക്കാൻ ആയിട്ട് തുനിഞ്ഞു ഇറങ്ങിയാൽ ഏത് മാർഗം ഉപയോഗിച്ചാണെലും അവരെ തമ്മിൽ തെറ്റിക്കും തമ്മിൽ ശത്രുത ഉണ്ടാക്കി മാറ്റും.
അങ്ങനെ പ്രണയത്തിൽ ഏർപ്പെടുന്ന ഒരാൾ മറ്റൊരാളെ തീർത്തും അവഗണിച്ചു ഒരിക്കലും കാണില്ല എന്ന് കരുതുകയാണേലും പരസ്പരം ആത്മാർത്ഥമായി സ്നേഹിച്ചവരുടെ ഉള്ളിൽ ഒരു തരി സ്നേഹം എങ്കിലും ബാക്കി ഉണ്ടാകും. എത്രയൊക്കെ വെറുത്താലും അവരുടെ ആത്മാർത്ഥതയിൽ അവർ രണ്ട് പേരും വീഴും. ഇനി അതിൽ എത്രയൊക്കെ പേര് വന്നു വേർപെടുത്താൻ ശ്രെമിച്ചാലും അവർ ഒന്നിക്കുക തന്നെ ചെയ്യും.
എത്രയൊക്കെ നാളുകൾ കഴിഞ്ഞാലും അവർക്കുണ്ടായിരുന്ന സ്നേഹം സത്യം ആണെങ്കിൽ അവരെ വീണ്ടും പ്രകൃതി ഒന്നിപ്പിക്കും.
ഓരോരുത്തർക്കും കാണും ആരും അറിയാതെ അവരെ തന്റെ പ്രാണനായി കണ്ട ഒരു വ്യക്തി. നിങ്ങൾ നിങ്ങളുടെ സ്നേഹം അവരോട് തുറന്ന് പറഞ്ഞാൽ നിങ്ങൾക്ക് നിങ്ങളുടെ സങ്കടവും സന്തോഷവും പങ്കിടാൻ ഒരാൾ കൂടെ ഉണ്ടെന്നുള്ള ഉറപ്പ് കിട്ടും. ഒരിക്കലും ഒരു പ്രണയം വേണം എന്നല്ല, എന്നാൽ ഒരു പ്രണയം ആയി തോന്നുന്ന ഒരാൾ വേണം.
പ്രകൃതി ഒന്നിപ്പിക്കുന്നത് ആത്മാർഥമായി സ്നേഹിക്കുന്നവരെ ആണ് അതുകൊണ്ട് നിങ്ങളുടെ സ്നേഹത്തിൽ ആത്മാർത്ഥത ഉണ്ടെങ്കിൽ എന്തൊക്കെ തടസം ഉണ്ടെങ്കിലും നിങ്ങൾ ഒന്നിക്കും.
